Wednesday, June 5, 2013

හෙන්රියාටා නැන්දාගේ සුමිතුරු උඩවැඩියාව -(part 2)The orchid which befriended the aunt Henriyata




පලමුවන කොටසට මෙතනින් යන්න.
http://gimannivannie.blogspot.com/2013/05/orchid-which-befriended-aunt-henriyata.html

හර්කියුලිස් බිලි පිත්තක් අගට කුඩා මස් කැබලි කිහිපයක් ගැට ගසා  සතා ගේ අඬු කිට්‍ටුවට ඒවා ලං කරන්නේ,ඌ වියරුවෙන් මෙන් පහුරු දිගුකර ඒවා ඩැහැ ගැනීමට දරන අසාර්ථක ප්‍රයත්නය දෙස තෘප්තියෙන් නෙත් හෙලමිනි.

ඒ හා සමගම මාංශ භක්ෂකයා තම තියුනු ශබ්දයද පිට කරන්නේ සිරුරේ රෝම කෙලින් සිටින තරම් බියක් උපද්දමිනි.
               සැලසුම් කල ගොදුර පහසුවෙන් යටපත් කල හැකි ජවයක් සත්වයාට ඇති බව අවසන හර්කියුලිස් තීරනය කලේය.අනතුරුව ඔහු නැන්දාට වඩාත් කාරුනික වූ අතර ඇය පැමිනි විට තම මුලු අවධානයම ඇයගේ දුක සැප විචාරීම කෙරේ යොමු කළේය.

                   අයාලේ යන බල්ලන් හා බලලුන් යොදාගෙන 'පොඩි ට්‍රයල්' එකක් කිරීමට මුලදී සිතුනත්, ඒ අහිංසක සතුන් නිකරුණේ බිලි දීම තරම් නොවන බව ඔහු පසුව සිතීය.එබැවින් පළමු ගොදුර හෙන්රියාටා නැන්දාම විය යුතු බව ඔහු ශෝකයෙන් වුව තීරණය කළේය.

එයට පෙර මග සැළසීමක් ලෙස දෙසතියක් පුරා සත්වයාට නිරාහාරව සිටීමට සැළසීය. ඊටත් වඩා දින ගනනාවකට යාමට හර්කියුලිස් බිය වූයේ ඉන් ඌ අඩපණ විය හැකි බැවිනි.

     ඒ තීරණාත්මක සෙනසුරාදා දිනයේ, සිරිත් පරිදි තේ පානයෙන් පසු, ඔහු නැන්දා ඇමතීය.
                  "මට  නැන්දට පෙන්වන්න යමක් තියෙනවා." නැන්දා දැක්කොත් පුදුම වෙලා පණ යයි."

    ගේ පුරා කැරළි ගැසෙමින් ඉහලට නැගෙන දුම් රො‍ටු සහිත සුරුට්‍ටුව මුවෙන් ඉවතට  ගත් නැන්දා මොහොතක් ඔහු  දෙස විමතියෙන් බලා තම ගැඹුරු කට හඬ අවදි කලාය.
  "පුදුමෙනුත් පුදුමයි. තමුසෙ මොකක්ද කරන්න හදන වැඩේ?"

නැන්දා ඔලොක්කුවට  පිටට ගැසූ පහරින් ඔහුට හුස්ම නැතිවිය.

                නැන්ද විස්වාස කරන එකක් නැ."
              හුස්ම යථා තත්වයට පත්වූ වහාම හර්කියුලිස් පිළිතුරු දුන්නේය.
                 
     "ඒක තියෙනෙ hot house එකේ.
                                  "ආ!"  ඇගේ හඬේ අවිශ්වාසය ගැබ් වී තිබිණි.
       
   "අපි බලලම ඉමු නේද, නැන්දෙ?"

                            උපහාසය මුසු හඬක් උගුරෙන් පිට කළද, නැන්දා හර්කියුලිස් පසුපස ඇවිද ගියාය.

                            ගන ලොම්  පාපිස්ස, මුල්ලකින් විකමින් සිටි දඩ, alsatian  බල්ලෝ දෙදෙනාද නැන්දා පසුපස යාමට තැත් කලද, ඇය ඔවුනට අතින් සන් කල සැනින් ඊට කීකරු වුහ.

 "කොල්ලනේ, නැවතියල්ලා. මං ඉක්මනට එනවා."

          එය කිසිදා සිදු නොවන්නක් බව හර්කියුලිස්  සිතුවේය.

               ඒ අඳුරු සැඳෑවේ "hot house" එකේ විදුලි බුබුලු ද නිවා දමා තිබිණි.ඊට ඇතුල් වන විටම නැන්දා තම නාසය අකුලුවා ගත්තාය.
 "මගෙ දෙය්යනේ! මොකද්ද ඒ ගඳ?හරියට මස් මරන තැනක් වගේ."
               "සමාවෙන්න නැන්දේ."

හර්කියුලිස් එසේ කියමින්ම මඳ අඳුරේ, පය පැකිලෙමින් ඇවිදින නැන්දාගේ පිටට මුදුව අත තබා   මඳක් ඇය ඉදිරියට යොමු කළේය.
                        " මේ මම අලුතෙන් දාන පෝර  ජතියක්.ගඳ වුනාට පැළ හොඳට වැවෙනවා."

              "තව ටිකක් ඉස්සරහට යන්.ඔන්න ඔතන තියෙන්නෙ."

                 "මේ විහිලුවක් හෙම නෙමේ නේද?" ඇහිබැම හකුලා සැක සහිත ස්වරයකින් නැන්දා විචාලාය.
            "පිස්සුද? කොහෙත්ම නෑ."

හර්කියුලිස්  පිලිතුරු දුන්නේ ස්විචයට අත යවන ගමන්මය.තමාට හුරු පුරුදු හරිත ගෘහයේ, මඳ අඳුරේ වුව, නැන්දා සිටගෙන සිටිනුයේඅනතුරු කලාපයේ බව ඔහුට පෙනින.ඔහු වහා ස්විචය දැම්මේය.

                   ඇසිපිය ගසන නිමේශයකින් හරිත ගෘහය ආලෝකයන් පිරිණි. ඒ හා සමගම, අඬු විහිදා ගත් දැවැන්ත බූවල්ලකු සේ මිනිස් ජීවින් දෙදෙනා පරයමින් නැගී සිටින යෝධ උඩවැඩියාව, නැන්දා ගේ දෘශ්්‍ය පථය  වසා ගත්තේය.එක්වරම ඉදිරියට තැබූ පය ආපසු ගත් නැන්දා, මෙවන් තැනක කිසිසේත්ම දැකීමට අපේක්ශා නොකළ අපූර්ව ශාකය දෙස කුතුහලයෙන් හා විශ්මයෙන් පිරි බැල්මක් හෙලුවාය.

                                              සත්වයා ක්‍රියාත්මක වීමට පෙර නැන්දා අනතුරු කලාපයෙන් බැහැර වේදෝ යි හර්කියුලිස්ට මොහොතකට සැක සිතිණි. නමුත් ශාකය දෙස විපරමින් බලමින්එය කුමක් දැයි හඳුනා ගැනීමට උත්සාහ කරන නැන්දා දු‍ටු විට එය එසේ නොවන බැව් ඔහුට පසක් විය.

                             උඩවැඩියාව ද, නිසොල්මන්ව, තමා අසලට පැමිනි අනිත් සත්වයා නිරීක්ශනයේ යෙදුනේය.  හර්කියුලිස් ගේ හදවත, සුලු මොහොතකට නතර කරමින්, අපේක්ශාවෙන් සිටි ලෙසම, බිම වැදෙමින් තිබූ මාංශ භක්ශක අඬු හිමිහිට චලනය වීමට පටන් ගත්තේය.නමුත් ඒ නම් කොහෙත්ම හර්කියුලිස් බලාපොරොත්තු වූ ප්‍රතිචාරයක් නොවීය.

සත්වයා, වෙන් වෙන්ව වැඩුන, එකක් මිනිස් මාපටැඟිල්ලක් තරම් මහත් වූ, ගැට ගැසී ඇඹරුන, අඬු අටෙන් තම කඳ මුලුමනින් ඔතාගෙන වසා ගන්නා ගමන්, අසන්නට  දුඛිත වූ හඬකින්, මර බියෙන් කෑ ගැසීය.තමා ඉදිරිපිට පහළ වී ඇති තර්ජනය හමුවේ  ඊට කළ හැකි වූයේ එපමණකි.

                             "මොනවා!"
 මොහොතකින්, හර්කියුලිස් මෙතෙක් තමා ගිලී සිටි මායාවේ තරම වටහා ගත්තේය.


                            හැඩි දැඩි ලෙස වැඩී, දු‍ටුවන්බියට පත් කරවන ජීව ලක්ෂනවලින්  හෙබියත්, මේ ප්‍රාථමික සත්වයා ඉතාමත්ම බියසුලු විය. Amazan වනයේ  ඇති ඕනෑම ශාකයක් හා කරට කර සිට මෙල්ල කල හැකි වුවත්, හෙන්රියාටා නැන්දා වැනි තේජාන්විත ගැහැනියක ඉදිරියේ, නකුට පස්ස පැත්තේ ගසා ගත් බලු නකුටකු සේ කෙඳිරි ගාන උඩවැඩියාව, දකින්නට ලැජ්ජා හිතෙන තරමේ, නියාලු දසුනක් විය.

       

                   නැන්දා, මුව අයා, දොඹ ගෙඩි දෙකක් සේ විශාල කර ගත්  තම විස්මපත් දෑස් වලින්, විපිලිසරව සත්වයා දෙස මොහොතක් බලා සිටියාය. ඊලඟ මොහොතේ, නොසිතූ විරූ ලෙස, හර්කියුලිස්. දෙසට හැරී, තර්ජනාත්මක ඇඟිල්ලක් දිගු  කළාය.
                           " මේ අහිංසකයා හොඳටම බය වෙලා! තමුසෙමොකක්ද ඌට කලේ?"

  බයාදු ලෙස හිස පැත්තකට ඇල කරගෙන, ලැජ්ජාවෙන් හා අපේක්ෂා භංගත්වයෙන් සිටගෙන සිටිනවා ඇරෙන්නට, හර්කියුලිස් ට වෙන කළ හැක්කක් නොවීය.

        න්.......නෑ....ඈ......නැන්දේ! මං හිතන්නේ ඌ ටිකක් චකිතෙන් ඉන්නෙ!"


" මේ..මේ බොරු කියන්න එපා.  මොකද, මම සත්තු ගැන නොදන්න එකක්යැ? මේ ගැන මට කලින් කියන්න තිබුනනෙ, තෙපර බබා ඉන්නෙ නැතුව.අපි උන්ට කරුනාවෙන් සලකනව නම් කොයි සතාත් අපිට මෙල්ල වෙනව.හැබැයි ඉතින් ස්වාමියා කවුද කියලා දෙගොල්ලොම දැන ගන්න ඕනෑ."

       
                           නැන්දා හර්කියුලිස් දෙස රවා බැලුවාය.

                                  "බලනවා! ඌ බයේ කෑ ගහන හැටි! "

       " හා....  හා... බයවෙන්න එපා. බයවෙන්න එපා. මේ හෙන්රියාටා නැන්දා උඹට කරදරයක් වෙන්න දෙන්නෙ නෑ."

         හර්කියුලිස්ට  ඒ දසුන නම් ජීවිතයේ කිසිම දිනක අමතක නොවේ.නැන්දා මාංශ භක්ෂකයාට එසේ දයාබර ලීලාවෙන් කතා කරන අතරම, තම ගොරෝසු ඇඟිලි, උගේ කඳ   දිගේ හෙමිහිට ඉහල පහල දිවෙව්වාය.ක්‍රමයෙන්, සත්වයා තම කඳ වටේ ඔතා ගත් අඬු ලිහිල් කර ගත් අතර, උගේ තියුනු ශබ්දයද  නැවතින.

           ඌ, තම අඬුවක් දිගු කර, නැන්දාගේ නහර ගැට ගැසුන, වියලි අතක් පිරි මැදීමට පටන් ගත් විට, උගුරෙන් පිටවීමට තතනන ඉකිය ගිල ගනිමින්, බලාපොරොත්තු කඩවීමෙන් උපන් ශෝකය සිත තුල දරාගෙන, හර්කියුලිස් මිදුල දෙසට වේගයෙන් ඇවිද ගියේය.


54 comments:

  1. අදනම් දැකපු ගමන් කාඩගෙන බිඳගෙන ආවෙ කියවන්න... මට හිතුණා ඔහොම වෙයි කියලා හැබැයි...

    ඔබ ඒක අපූරුවට පරිවර්තනය කරලා.. තව එකක් කරමු.

    බ්ලොග් එකේ බැක්ග්‍රවුන්ඩ් කලර් එක වෙනස් කළානම් හොඳයි.. ඇස් නිලංකාර වෙනවා කියවලා ඉවර වෙනකොට..

    අක්ෂර වින්‍යාස දෝෂ මේකෙන් යම්තාක් දුරකට මගහරව ගන්න පුළුවන්. හැබැයි 100% නෙමේ

    http://subasa.ambitiouslemon.com/spellerweb.py

    ReplyDelete
    Replies
    1. බොහොම ස්තූතියි කම්ප්ලිමෙන්ට් එකට.තව එකක් කරන්න පටන් ගත්තා. නමුත් එක පරිවර්තනයකට සැහෙන කාලයක් යනවා. background colour එක සුදු තියන්න මට හිතෙන්නෙ නෑ. නමුත් කියවන්න අපහසු නම් වෙනස් කරන්නම්. ස්තූතියි ලින්ක් එකට.

      Delete
    2. කල්ගියාට කමක් නෑ නිර්මාණය හොඳ වෙනවනෙ එතකොට..

      සුදු බැරිනම් වෙන ලා පාටක් දැම්මනම් හොඳයි... මේ පාටනම් හෙනම අමාරුයි.. මේ දැන් කමෙන්ට් එක කියවපු ටිකට ඇස් නිලන්කාර වෙලා..

      Delete
  2. ඔබගේ වෑයම ගැන සන්තෝසයි. මොකද මේ තවත් හොද හොද දෙවල් අපට එනවයි කියන එකේ පෙර නිමිති..

    ReplyDelete
    Replies
    1. බොහොම ස්තූතියි. ඔව්. මගෙ අවුරුදු 25 ක ඉඳල තියෙන හීනයක් තමා මම මේ හැබෑ කරගත්තෙ ඕගොල්ලන්ට පින් සිද්ද වෙන්න. තව එකක් මග එනවා. නමුත් ටිකක් ඉවසන්න වේවි.

      Delete
  3. මදැයි කලා!

    බල්ලො බලල්ලු තරම්වත් වටිනාකමක් නොතිබිච්ච නැන්දා පෞරුශයෙන් හෙබි ගැහැණියක් කියලා අර පැලෑටියටත් දැනිලා!
    මේ නැන්දා කියලා ෂුවර්ද? නැන්දම්මා නෙවෙයිද? :D

    නිල් මානෙල්ගේ මේ පරිවර්තනය උපරිමයට රස වින්දා මම නම්.

    ජයවේවා.

    ReplyDelete
    Replies
    1. ඔව් නේ. බල්ලො බලල්ලු මරන එක පව් නිසා නැන්දව තමා ඉස්සෙල්ල යවන්න ඕන වුනේ.
      කොයි සතත් ආදරය, කරුනාව ලබන්න කැමති බව නෙ ලේඛකයා කියන්නෙ. බොහොම ස්තූතියි කමෙන්ට් එකට.

      Delete
  4. This comment has been removed by the author.

    ReplyDelete
    Replies
    1. සැලසුම් සහගත මිනි මැරුමක් නේද කරන්න හදලා තියෙන්නේ ...?

      පරිවර්තනය නම් විශිෂ්ඨයි නිල් මානෙල්..( නමින් ආමන්ත්‍රණය කරන එක හරි නැහැ වගේ නේද ඔබට..)

      Delete
    2. වැඩි හරියක් මේ ලෝකෙ මරණ සැලසුම් සහගත ඒව නේද?

      ස්තූතියි ඇගයීමට. cyber space එකේ අපි කවුරුත් සමානයො. වයස, උගත්කම්, තරාතිරම් මෙතනට අදාල නෑ. නම නොකියා වෙන මොනව කියන්නද?

      Delete
  5. නියමයි.. මං නම් හිතුවෙම පැලේ නැන්දවත් කාල ඒකට කකුළුත් ඇවිල්ල නගරෙ පුරාම මිනිස්සුන්ව කාවි කියලා..
    මාරයි,, නොහිතපු දෙයක්මනෙ උනේ

    ReplyDelete
  6. එහෙම වුන, වෙන science fiction එකක් තිබුනා. නමුත් මේ කතාව කියන්නෙ ආදරය,කරුනාව ඕනෑම දරුනු කෙනෙක් ව වෙනස් කරනව කියල.ස්තූතියි ආවට.

    ReplyDelete
  7. ඔය දාලා තියන පීන්තුරයේ තියන ශාකය මොනවද , හරියට බාදුරා වාගෙමයි

    ReplyDelete
  8. හරියටම නම දන්නෙ නෑ. මාත් හිතන්නෙ බාඳුරා විශේශයක් කියල.

    ReplyDelete
  9. ෆොලොවර්ස් විජට් එක දාපු එකනම් ගොඩක් හොඳයි. අද තමයි කොටස් දෙකම කියෙව්වෙ.කලින් කොටසෙ ලින්ක් එකත් මේ පෝස්ට් එකේ දැම්ම නම් පාර හොයා ගන්න ලේසියි.හරිම ආසාවෙන් කථාවෙ කොටස් දෙකම කියෙව්වෙ.ඉදිරියේදිත් තවත් මේ වගේ පරිවර්ථන කරන්න:)

    ReplyDelete
  10. ස්තූතියි Chams ඔබ සැමගේ අදහස් තමා මාව දිරි ගන්නන්නෙ. නමුත් කාලය හොයා ගන්න එක තමා ප්‍රස්නෙ. link එකක් දාන හැටි කාගෙන් හරි අහගන්න ඕන.

    ReplyDelete
    Replies
    1. This comment has been removed by the author.

      Delete
    2. ( උඩ කමෙන්ට් එකේ ලින්ක් වල අකුරු වැරදිලා තිබුණා මගේ අතින්..)

      පොඩ්ඩක් ඉන්න මානෙල් අක්කේ අපි ඔයාට සපෝර්ට් එක දෙනවා ..තව ටික දවසක් ඉවසන්නකෝ ..බ්ලොග් එක කට්ටියගෙන් පිරෙන හැටි බලන්නකෝ එදාට ...

      ලින්ක් එක මේ විදිහට දාන්න..පහල තියෙන කෝඩ් එක කොපි කරගෙන කැමති තැනක් පේස්ට් කරන්න...



      <a href="http://gimannivannie.blogspot.fr"> <b>මිහිරැති ඉංග්‍රීසි පරිවර්ථන ඇතුළු සිත නිවන දෑ රස විඳින්න එන්න ගිං ඔය අද්දරට </b> </a>



      ඔතන තියෙන සිංහල වචන වෙනුවට කැමති දෙයක් දාන්න ඔයාට සුදුසුයි කියලා හිතෙන..පොඩ්ඩක් ටෙස්ට් කරන්න බලන්න....

      Delete
  11. ම්ම් මේකේ මුල් කොටසකුත් තිබුනාද ? අද තමයි ආවේ මේ පැත්තට

    ReplyDelete
  12. ආදරයෙන් පිලිගන්නවා මගේ කුඩා නිවහනට. මුල් කොටසක් තියෙනවා. දෙවෙනි කොටසෙම මුල් එකේ ලින්ක් එකකුත් දැන් දැම්ම. ගිහින් බලන්න.

    ReplyDelete
  13. පළමුවෙන්ම මා සමව අයදිනවා එන්නට පරක්කු වීම ගැන.

    ඉතාම ඉහලින් රස වින්දා. මම නොහිතපු අවසානයක්.

    ReplyDelete
  14. ඒකට කිසි ප්‍රස්නයක් නෑ. ඔබ කොහොමත් මේ බ්ලොග් එකේ සැරි සරන්නෙක්නෙ. ස්තූතියි ආවට.

    ReplyDelete
  15. මේක මරුනේ අප්පා.. මං හිතුවේ මහ විනාසයක් වෙයි කියලා... හි හි...

    අටම් තමයි පාර කිව්වේ.. ගිය ටිකේ බ්‌ෙලාග් හොය හොය යන්න හම්බුනේ නෑ... ඒකටත් කම්මැලිකමේ.... හි හි

    ReplyDelete
    Replies
    1. හි හි...
      හි හි...
      හි හි...
      හි හි...

      Delete
    2. This comment has been removed by the author.

      Delete

    3. බොහොම ස්තූතිය් ආවට. මං මේ invitation එකක් දෙන්න හිටියෙ. හි හි

      Delete
  16. niyamai..ada idala mama enawa oyage Blog ekata.
    Jayawewa.

    ReplyDelete
    Replies
    1. බොහොම ස්තූතිය් ආවට.
      සාදරයෙන් පිලිගන්නවා.

      Delete
  17. මරු මරු මං නං මේකේ මුල් කොටසුත් කියවලා තියනවා. අද එන්න පාර පෙන්නුවේ නං අටං තමා.

    ReplyDelete
    Replies
    1. ස්තුතියි හැමදාම එනවාට.

      Delete
  18. අටම් අයියා තමයි පාර පෙන්නුවේ. මුල ඉඳන් සේරම කියවලයි ආවේ. නියමයි. පරිවර්තනෙත් පරිවර්තනයක් නොවෙන ගානයි.

    ReplyDelete
    Replies
    1. බ්ලොග් එකට සාදරයෙන් පිලිගන්නවා. අටම් ට ස්තූති කරන්න ඕනෙ ඔයාලට පාර පෙන්නුවට. ඔබේ දිරි ගැන්වීමට තුති.තව එකක් ලඟදීම එනවා.


      Delete
  19. සිරා කතාවක් වගේනේ මේක.. පොඩ්ඩක් ඉන්න හෙමීට පළවෙනි එකේ ඉදන් බලාගෙන එන්න..

    ReplyDelete
    Replies
    1. ඔබවත් බ්ලොග් එකට සාදරයෙන් පිලිගන්නවා. අනිත් කතාවත් බලන්න එන්න. ඔබේ ගෙවල් පැත්තෙත් ඇවිත් යන්න එන්නම්.

      Delete
  20. මං මේ දුවල දුවලා ආවෙ ලින්ක් එක බලන්න. ඒත් දාල නෑනේ... ඉහි ඉහි ඈ....

    ReplyDelete
    Replies
    1. ඇවිත් බලන්න. ඔහොමයි ආවෙ. තව පැහැදිලි කරල කියන්න. ටය්ට්ල් එකට මොනවද, කන්ටෙන්ට් එකට මොනවද දාන්නෙ.

      Delete
    2. හෑ... මොන Title , content ද ?

      Delete
    3. මම ගියා -lay out - add a gadget - HTML/ Java Script .එතකොට එනවනෙ. fill කරන්න කො‍ටු දෙකක්. Title ඊට යටින් content . ඒවල මම ඔබේ බ්ලොග් එකේ නමයි අර දීල තිබුන ඉමේජ් එක කොපි පේස්ට් කලා.එහෙම නැතිනම් කොහොමද?

      Delete
  21. අස්වැන්නට ඇවිත් තබා ගිය මං සළකුනු ඔස්සේ ඔන්න මමත් ආවා ගං ඔය අද්දරට.. ඇත්තටම සතුටුයි එකම ගග දෙපාරක් එකම තැනින් ගලන්නේ නැහැ කියන කතාව හරි. නිරන්තරයෙන් අලුත් හරවත් දේ අරන් ගලා බසින ගංගාවක ඉවුරක තවත් හමුවිමක්... සුබ පැතුම් දිගටම ලියන්න ඉදිරිටත්.. කියවන්න එනවා..

    ReplyDelete
    Replies
    1. සාදරයෙන් පිලි ගන්නවා. ඔබේ බ්ලොග් එකත් මම ගොඩක් රස වින්දා. දිගටම එන්න.

      Delete
  22. ඉස්කෝලේ යන කාලේ කියවපු කතාපොත් මතක් වුනා. බොහොම අගෙයි. මෙවැනි තවත් ලිපි බලාපොරොත්තුවෙනවා.

    අසමි දකිමි සොයමි ලියන විචාරක

    ReplyDelete
    Replies
    1. බ්ලොග් එකට සාදරයෙන් පිලි ගන්නවා. ස්තූතියි අගය කිරීමට. තව පරිවර්තනයක් ලඟදීම එනවා.

      Delete
  23. ඔන්න කොටස් දෙකම කියවල ඉවර කලා.. බොහොම කැමත්තෙන් කියෙව්වා.

    ReplyDelete
    Replies
    1. බොහොම ස්තූතියි. සන්තෝසයි ඔබ කතාවට කැමති වීම ගැන.

      Delete
  24. Freedom ලංකා පැත්තේ ඇවිත් තිබුණ මේ යුවතිගේ ගිං ඔය ("ගිං ගඟ" කියල මිට වඩා ගැලපෙනවා නේද?) අද්දරට ඔන්න මමත් ආව . :D

    මම බලාපොරොත්තු උණේ හර්කියුලිස් ට අනතුරක් වේවි කියල. සොබාදහම කියන්නේ ඒකනේ ;) කොහොම උණත් හොඳ නිර්මාණයක්. ආදරය කරුණාව තියෙද්දී අමනුසයෝ උණත් මෙල්ල කරන්න පුළුවන් :)

    හැබෑට ප්‍රන්සේ ඉඳලද "ගිං ගඟ" ගලන්නේ :D

    ReplyDelete
    Replies
    1. ඔයාට මොනවද ඕනෙ කියන්න ඉස්සෙල්ලා. (මට යුවති කිව්වට) හි හි

      ආදරයෙන් පිලිගන්නවා මගෙ නිවහනට.ඔබ රස වින්දා නම් ඒ ඇති. කරුනාව මොන තරම් බලගතුද?
      මේ ලින්ක් එක හදල දුන්නෙ සයිලන්ට් සහන්.එයාගෙන් තමා අහන්න ඕනෙ. එහෙත් ගින් ඔයක් ඇති!

      Delete
    2. යුවති කිව්වේ (ෆි)මේල් කියල තිබුණු නිසා ;) මට මුකුත් එපෝ.... කොහොමත් ඔයා අක්කෙක් තමා.. බ්ලොගර් වල නංගිලා නැහැනේ :'(

      ලින්ක් එක කිව්වේ ? :o බ්ලොග් එකද ? :p

      Delete
    3. හුටා :o දැන්නේ දැක්කේ,,... :p //married and a proud mother of a 25 year old nagging brat//

      ආච්චි අම්මෙක්ද කොහෙද .... :p හි හි (විහිලුවට හොඳේ)

      Delete
  25. ඕවා වැඩිය පොරොසිද්ද කරන්න ඕනෙ කරුනු කාරනා නොවෙන්නං!

    ReplyDelete
  26. අපූරු කතාව කුතුහලාත්මකයි. ඔබටම සුවිශේෂී වූ ක්‍රමයකට ඔබ පරිවර්තනය කරමින් යනවා. අනර්ඝයි

    ReplyDelete
  27. ස්තූතියි. එහෙම ශයිලියක් හදාගන්න තමා හදන්නෙ.

    ReplyDelete