Friday, July 26, 2013

කාලයේ හුටපටය - Trouble with Time






















 මේ මගේ පලමු හා එකම රහස් පරීක්ෂක කතාවයි. මෙම කෙටි කතාවට අදාල ගැටලුව අඟහරු ලොවේ ඇති ප්‍රධානම ගැටලුවලින් එකක් නොවුනත් මෙයට විසඳුමක් ලෙස මෙරිඩියන් නගරයෙන් ඉඩම් මිලදී ගැනීමෙන් වැලකී සිටිනවා ඇරෙන්නට වෙන කළ හැකි කිසිවක් නැත.
                " අඟහරු ලෝකෙ වැඩිය අපරාධ නෑ. " රහස් පරීක්ශක රෝලිංස් කීවේ තරමක දුකිනි.  "ඇත්තෙන්ම මම අපහුස්කොට්ලන්ඩ් යාඩ් එකට යන හේතුවත් ඒක තමා.මෙහෙ හිටියොත් දන්න දේත් අමතක වෙලා යනවා."

 අපි, Phobes අභ්‍යවකාශ තො‍ටුපලේ ප්‍රධාන නිරික්ශන කුටියේ සිට, ,කුඩා චන්ද්‍රයාගේ, හිරු ‍රැසින් නෑවුන කඩතොලු කඳු ශිඛර දෙස බලමින් අසුන්වල ගිමන් හරිමින් සිටියෙමු.

අපව අඟහරු ලොවෙන් Phobes වෙත ගෙන ආ මගී රොකට්‍ටුව විනඩි දහයකට පෙර නැවත අඟහරු බලා පිටත් වූ අතර තව පැය භාගයකින් මෙහි සිටින මගීන් බොහෝ දෙනෙක්  දැක නැති නමුත්, තවමත් තම නිජබිම ලෙස සලකන පෘථිවියට යාම සඳහා ,අප සැම යානාවකට ගොඩ වදිනු ඇත.

" වෙනසකටත් එක්ක ඉඳ හිට ගැටලු ඇති වෙනවා. මේ  මැකා  මහත්මයා, කලා කෘති එකතු කරන්නෙක් නේද?මම හිතනවා දැනට මාස කිහිපයකට කලින්  මෙරිඩියන් වල වුන කළබගෑනිය ඔබ දන්නව ඇති කියල."

" නෑ. මම දන්නෙ නෑ." තරබාරු, දුඹුරු සමක් ඇති, මා නගරයට පැමිනුන තවත් සංචාරකයෙකු යැයි සිතූ කුඩා මිනිසා පිලිතුරු දුන්නේය.රහස් පරික්ශක රෝලිංස් දැනටමත් මගී ලැයිස්තුව පිරික්සා ඇති. ඔහු මා ගැන කොපමණ දන්නවා ඇතිදැයි මම කල්පනා කළෙමි.මගේ  හෘද සාක්ෂිය  පිරිසිදු යයි සිතා සිත සැහැල්ලු කර ගැනීමට උත්සාහ කළෙමි.කෙසේ නමුත් අඟහරු ලොවට පැමිනෙන හැමෝම අඟහරු රේගුවෙන් කුමක් හෝ දෙයක් හොරෙන් ගෙන යති.
                                                                 
                   " දැනට කේස් එක යට ගහලා තියෙන්නෙ.නමුත් ඕවා හැමදාම  හංගල තියන්න බෑනෙ.     පෘථිවියේ ඉඳන් ආපු මැනික් හොරෙක්, මෙරිඩියන් කෞතුකාගාරයෙ තියෙන අගනාම වස්තුව, සිරියන් දෙවඟන " හොරකම් කරන්න හැදුවා." රහස් පරීක්ශක කීය.

" ඒක නම් මහ විකාරයක්. මිල කළ නොහැකියි කිව්වට ඒක නිකම නිකං ගල් කෑල්ලක් විතරයි.කිසි කෙනෙකුට විකුනන්න බෑ. අන්න මොනාලීස වගේ දෙයක්  හොරකම් කලා නම්  තව කමක් නෑ. "

             රෝලිංස් විරිත්තීය. " නමුත් සමහර කලා කෘති එකතු කරන්නන් ඉන්නවා ඒ වගේ දේකට තමන්ගෙ මුලු වස්තු සම්භාරයම වුනත් දෙන.ඒගොල්ලන්ට ඒකෙ ප්‍රයෝජනය ගැන තැකීමක් නෑ.ඕනෙ දුර්ලභ දේ එකතු කරන්න විතරයි. ඔබ මොකද ඒ ගැන කියන්නෙ මැකා මහත්මයා?

 " ඒක නම් සම්පූර්ණ ඇත්ත. මමත් එකඟ වෙනවා ඔබේ කතාවට. මේ බිස්නස් එකේදි මට අමුතුම ජාතියෙ මිනිස්සු මුණ ගැහිල තියෙනවා."
           " මේ ඩැනී වීවර් කියන හාදයට හොරකම කරන්න හොඳට ගෙවල තියෙනවා.එයා කොහෙත්ම නොසිතුව ඉතාමත් අවසනාවන්ත, පොඩි අත් වැ‍රැද්දක් නිසා මිසක් නැත්නම් මෙලහකටත් ඒක ඩැනී අතේ."
                          
                     අභ්‍යවකාශ  තො‍ටුපලේ ශබ්ද  විකාශන  පද්ධතියෙන්       අවසාන ඉන්ධන පිරික්සීමක්  නිසා වුන පමාවට කගාටුව ප්‍රකාශ කරන අතරතුරේදී මම සිරියන් දෙවඟන ගැන මම දත් දේ සිහි කලෙමි.මුල් කෘතිය දැක නොතිබුනත්, අනෙක් හැම සාමාජිකයෙකු මෙන්ම මගේ ගමන් මල්ලේත්, ක්‍රි. ව.2012 දී තෙවන ගවේශණ කන්ඩායම Mare Sireniyum පෙදෙසේදී සොයා ගත්, සිරියන් දෙවඟන ගේ අනුරුවේ නිවැරදි කොපියක් බවට සනාථ කරමින්, අඟහරු ලොව පුරා විද්‍යා කාර්යාංශයේ මුද්‍රාව සහිතව ලබාගත් පිලිරුවක් තිබිණ.

               එපමණ ආන්දෝලනයක් ඇති කිරීමට සමත් වුවත් එය අඟල් 8ක් හෝ 9 ක්පමන උස, පෘථිවියෙදී දු‍ටුවොත් කිසිවෙක් දෙවරක් නොබලන ඉතා කුඩා වස්තුවකි.දිගු, තරමක් එල්ලෙන කන්, හිස් කබල කිට්‍ටුවෙන් මුදු මෙන් කැරලි ගැසී ඇති හිසකේ,සතුටෙන්ද විශ්මයෙන්ද යයි විස්තර කල නොහැකි හැඟීමකින් මඳක් විවර වුන දෙතොල් සහිත පෙරදිග කාන්තා ස්වරූපයක් ගත් ගැහැනු හිසකි.

                      නමුත් එය කොපමණ ආන්දෝලනයකට තුඩු දුන්නාද කිවහොත් ඒ මත පිහිටා ආගමික නිකායයන් සිය ගනනක් බිහි වූ අතර පුරා විද්‍යාඥයින් කිහිප දෙනෙක් පිස්සු වැට්ටීමට තරම් සමත් විය.එයට හේතුව ලෙස දැක්විය හැක්කේ අඟහරු ලොවේ සන්ධි පාදකයින් හැරෙන්නට වෙනත් බුද්ධිමත් ජීවින් නොසිටි නිසාය. එබැවින් අඟහරු ලොව කැනීම්වලින් අංග සම්පූර්ණ මිනිස් හිසක් හමුවීම කෙසේවත් විද්‍යානුකූලව සාධනය කළ නොහැකි විය.

                           ආදි අඟහරුවන්ට අභ්‍යවකාශ තරණය කිරීමේ හැකියාව නොතිබිනි.එසේම මීනිසා පෘථිවිය මතුපිට බිහි වීමටත් ප්‍රථම මුල් අඟහරු ජීවීන් එලොවින් තුරන් විය.සිරියන් දෙව්දුව සූර්ය ග්‍රහ මන්ඩලයේ ග්‍රහ ලෝක අතර ප්‍රධානම අභිරහස වුනේ ඒ නිසයි. මේ අභිරහස කවදාක හෝ විසඳනු ලැබීමට ඉඩ තිබුනත්, එය මගේ ජීවිත කාලයේ දී නම් නොවන බව දනිමි.

                  " ඩැනීගේ සැලැස්ම බොහොම සරලයි." රහස් පරීක්ශක රෝලිංස් දිගටම කතා කරගෙන ගියේය."ඕගොල්ලො දන්නවා ඇතිනෙ අඟහරු ලෝකෙ හැම නගරයක්ම ඉරිදට කොච්චර නිශ්ශබ්ද ද  කියලා.හැම සාප්පුවක්ම වහලා ජනපදිකයින් ගෙවල්වලට වෙලා ඉන්නවා පෘතුවියෙන් එවන රූපවාහිනී විකාශය නරඹන්න. ඩැනී තමන්ගේ හොරකම ප්ලෑන් කලේ මේක හිතේ තියා ගෙනයි.ඔහු බටහිර මෙරිඩියන් නගරයේ හෝටලයක කාමරයක් බුක් කරගෙන සිකුරාදා හවස නැවතුනා. ඔහු හිතා ගත්තේ සෙනසුරාදාට ගිහින් කෞතුකාගරය හොඳින් නිරීක්ශණය කරන්න.ඉරිදට සේරම මිනිස්සු තම තමන්ගෙ ගෙවල්වල නිසා කරදරයක් නැතුව වැඩේ කෙරුවහැකි.සඳුදට එයා නගරයෙන් පිටවන තවත් එක සංචාරකයෙක් විතරයි."

                   ප්ලෑන් කරපු විදියට, එයා සෙනසුරාදා උදේ පාක් එකේ පොඩි රවුමක් දාල ඒ ලඟම තියෙන නැගෙනහිර මෙරිඩියන් නගරයට ගියා ක‍ටු ගේ බලන්න.මෙරිඩියන් ඊස්ට් එකට ඒ නම ලැබුනෙ ඒක හරියටම දේශාංශ  180 පිහිටල තියෙන නිසා.පාක් එක මැද ලොකු  පැතලි ගල් ලෑල්ලක් තියෙනවා prime meridiyan කියා  කොටල  තියෙන. නගරයට එන සංචාරකයින්ට එකවර අර්ධ ගෝල දෙකක පය තියාගෙන තමන්ගෙ පොටෝ එකක් ගත්තෑකි.පුදුමයි නේද, මිනිස්සු ආස කරන දේවල්?"

              " ඩැනී, තමන් ගෙවූ මුදලට උපරිම දෙයක් දැන ගන්න උත්සාහ කරන අනෙක් හැම සංචාරකයෙක් වගේම, මුලු දවසම ක‍ටු ගේ නරඹමින් ගත කලා. නමුත්, ක‍ටු ගේ වහන වෙලාවට ඔහු එයින් පිටවුනේ නෑ. මුදල් නැතිකම නිසා බාගෙට වැඩ නවත්තල තිබුනු, මිනිස්සුන්ට විවෘත නොවුන ගැලරියක හැංගිලා හිටියා ගොඩක් රෑ වෙනකල්.එහෙම හිටියෙ කෞතුක වස්තු ගැන පර්යේශණ කරන කෙනෙක් බාගදා රෑ වෙනකල් ක‍ටු ගෙයි වැඩ කරන්න ඉඩකඩක් තිබුන නිසා.කවුරුවත් ක‍ටු ගෙයි නෑ කියල සැක හැර දැනගත්තට පස්සෙ ඩැනී ඉන් එලියට ආවා.

"පොඩ්ඩක් ඉන්න." මම ඔහුට බාධා කලෙමි. 

 " කෝ එතකොට ක‍ටු ගෙයි මුරකාරයො?"

රහස් පරීක්ශක සිනාසුනේය.
                        "උඹට තේරුනේ  නැද්ද කොල්ලො?  අඟහරු වල ඒ පහසුකම් නෑ. අඩුම ගානෙ ක‍ටු ගෙට එලාම් එකක්වත් නෑ. මේ නිකම්ම නිකං ගල් කුට්ටියක් හොරකම් කරන්නෙ කවුද? "දෙවඟන" ව සීල් කරපු ලෝහ හා වීදුරු කුටියක දාල තියෙනව  තමයි.එහෙම තියෙන්නෙ බැරි වෙලාවත් අඟහරුවලට එන සංචාරකයෙක් ඒකට බැල්ම දාවි කියල.එහෙම ගත්තත් හොරාට හැංගෙන්න තැනක් නෑ.පිලිරුව නැතිවුනා කියල දැන ගත්ත ගමන් නගරයෙන් පිටවන හැමෝවම පරීක්ශා කරාවි."

                           එය සත්‍යයකි. අඟහරු නගරවල ස්වභාවය,පෘථිවියේ ඒවාට වඩා හාත්පසින්ම වෙනස් බව මට අමතක විය.අඟහරු මත ඉදිවී ඇති හැම නගරයක්ම, ගල් වෙන තරමේ සීතලක් ඇති රික්තකයකින් ආරක්ෂා වනු වස් යෙදූ විදුලි ක්ශේත්‍රයකින් වෙන් වෙන්ව ආවරනය  වූ ඒවාය.මේ මිනිසා තැනූ විදුලි ක්ශෙත්‍රයන්ට එහා, ආරක්ශක උපකරණ හා ඇඳුම් නොමැති යමෙක් තත්පර කිහිපයකින් මැරී වැටෙන තරමේ,දරුනු,  මිනිසාට පසමිතුරු, කුරිරු,අඟහරු ලොව  ශූන්‍ය අවකාශය පැතිර ගියේය.

         

              එබැවින් මෙහි අපරාධ අඩු වීම ගැන පුදුම විය යුතු නැත.

                         " ඔරලෝසු හදන මිනිස්සු ලඟ තියෙනවා වගේ, මේ වැඩේටම හදා ගත්තු සුපිරි ආයුද ටිකක් මිනිහ ලඟ තිබුනා.වැදගත්ම ආයුදේ තමයි ක්ශුද්‍ර  කියත (micro saw).පවර් පැක් එකකින් වැඩ කරන, තත්පරයට රවුම් මිලියනයක් විතර කැරකෙන, ගොඩක් තුනී, ඒ වගේම ඉතාම තියුනු තලයක් තියෙන ඒ ආයුදේ ලෝහ වේවා, වීදුරු වේවා කපාගෙන යන්නෙ හරියට බටර් වගේ.කැපුමෙ ගනකම කෙස් ගහකට වඩා වැඩි වෙන්නෙ නෑ.
කැපුමේ ගනකම ඉතාමත් සියුම් වූ තරමට එය එලිවිය හැකි  අවස්ථාද අඩු නිසා ඩැනීට තම හොරකම අන්‍යයන්ගෙන් වසන් කිරීමට ඇති තරම් කාලය ඇත.

                                "මම හිතන්නේ දැන් ඔබ දන්නවා ඇති ඩැනී කොහොමද වැඩේ කලේ කියල.  මුලින්ම ප්‍රතිමාව තියෙන කැබිනට් එකේ  පතුල කපලා හිමින් සීරුවෙ නියම දෙවඟන රූපය එලියට අරගෙන ඒ වෙනුවට හොර කොපිය ඇතුලෙන් තිබීම ඩැනී ගෙ අරමුණ වුනා.කවුරු හරි පුරා විද්‍යාඥයෙක් කලෙකට පස්සෙ හොයා ගත්තොත් මිසක් කිසි කෙනෙකුට නියම රූපයේත්, කොපියේත් වෙනස හොයන්න බෑ.එතකොට ඉතින් නියම පිලිරුව, ඒක නිවැරදි කොපියක් කියල අඟහරු ලෝකෙන් දුන්න සහතිකේකුත් එක්ක පෘථිවියට ඇවිල්ල ඉවරයි. නියමයි නේද ප්ලෑන?


                    මේ ක‍ටු ගෙයි දෙවඟන ඉන්න ගැලරිය හරිම හිත කීරි ගස්සන සුලුයි.විශේශයෙන්ම එතන කට්ට කලුවරේ, වසර දහස් ගනනාවක් පැරනි කලා කෘති,කැටයම් හා මූර්ති අතර ඉඳිමින් අඳුරු ගැලරියේ වැඩ කරන එක නම් ඩැනීට මහ අමුතු අත්දැකීමක් වෙන්නැති.පෘථිවියේ වුනත් ක‍ටු ගෙයක් රෑට අද්භූතයි.නමුත් අඩුම ගානෙ ඒකෙ තියෙන්නෙ මිනිස් රූප. නමුත් අඟහරු ලෝකෙ ක‍ටු ගෙයි දෙවඟන ඉන්න ගැලරිය ඒකෙ තියෙන අද්භූත පෙනුමක් ඇති, අඬු ගොඩක් තියෙන යෝධ කුරුමිනි සතුන් කා කොටා ගන්න කැටයම් නිසා ඒලියන්ස් ල ඉන්න තැනක් වගේ.

                      අඟහරු ලොවේ කෘමි විශේසඥයො කියන්නෙ එහෙම ජාතියෙ සතුන් නම් කවදවත් හිටියෙ නෑ කියල.මනකල්පිත වුනත් නැතත්, ඒ සතුන් සියල්ලම ඩැනී හා දෙවඟන  ජීවත් වූ මේ අපූරු ලෝකයට අයත් වූ දේවල්.ඩැනීට ඒවා පෙනුනේ හරියට කාලයේ වැලිතලවෙන් මතුව ආ දිය උල්පහක් සේ දෙවඟන ඔහුට අභියෝග කරමින් සිටින ලෙසයි.ඔහුගේ ඇ‍ඟේ හිරිගඩු  පිපුනා දෙවඟන රුව දෙස බලන විට!


                                   ඉතින්   දියමන්ති කපන්නෙක් අගනා මැනිකක් ඔපමට්ටම් කිරීමට සැරසෙන සේ ඩැනී සීරු මාරුවට වැඩයට අවතීර්ණ වුනා.‍රැයෙන් වැඩි කාලයක් ගත වුනේගැලරියට ඇතුලු වීමට තිබූ  දොර කපා ඉවත් කිරීමටයි.

                                ඒ වැඩේ නිමවන විට උදේ පාන්දර වෙලා.තවත් ගොඩක් දේ කිරීමට තිබුනත්, අමාරුම හරිය නිමකල නිසා ඩැනීගේ සිතට සතුටක් හා සැහැල්ලුවක් දැනුනා.දෙවඟන ආරක්ශාකාරී විදුරු කුටියෙන් පිටතට ගෙන තමන් ගෙන ආ බොරු දෙවඟන රූපය වීදුරු කුටියට දමා නියම ආනතියකින් හා වීදුරු කුටියේ සිට නියම දුරකින් පිහිටවන්නටත් ඔහු උත්සුක වුණා.තමන් තැබූ සලකුණු සියල්ලම මකා දැමීමට ඉරිදා දවසින් වැඩි කාලයක් ගතවිය හැකි වුනතේ ගැන ඔහු කලබල නොවුනේ වැඩය නිම කිරීමට තවත් දවසක් ඔහුට තිබුන නිසයි.සඳුදා දවස වන විට ඔහුට ක‍ටුගෙය නැරඹීමට එන සංචාරකයින් සමග  මිශ්‍ර වී කාටත් හොරා ඉන් පිටවිය හැකියි.   ඉඳින්,ක‍ටු ගෙයි දොරවල් හරියටම 8.30 ට විවෘත වෙලා කාර්ය මංඩලයෙ හයදෙනාම දවසේ කාර්යයන් සඳහා වාර්තා කිරීමට ඇතුලු වීම දැනීට දරාගත නොහැකි කම්පනයක් නොවන්නේද? ඩෑනී  දඩිබිඩි ගාලා හදිසි දොර‍ටුවෙන් එලියට  පැනගත්තේ  දෙවඟන රූපය, ආයුධ හා ඉතිරි හැමදේම ක‍ටු ගෙයි දමා යමින්.

  ඔහු මහ මගට ආවිට දැක්කේ තවත් ඇස් නිලංකාර වන දෙයක්.


                         ඉරිදා දවසේ  තම නිවෙස්වලට වී පුවත්පත් කියවමින් කාලය ගතකරන මිනිසුන් නිසා පාලුවට යායුතු මං මාවත්,සාමාන්‍ය දිනයක ලෙස ජනයාගෙන් පිරී පැවතුණා.

                   අසරන ඩැනි හෝටලයට එන විට අපි එයාව පිලිගන්න ලෑස්ති වෙලා හිටියෙ.නමුත් ඔහුව අල්ලාගැනීම ගැන අපිට එතරම් පුරසාරම් කිව නොහැක්කෙ, පෘථිවියෙන් අඟහරු ලොවට ලඟදි පැමිනුන සංචාරකයෙකුට හැරෙන්නට වෙන කිසිවෙකුට ඒ තරම් ප්‍රසිද්ධ දෙයක් අමතක නොවෙන නිසයි.ඔබ එය දන්නවා නේද"?

                ඇත්තෙන්ම මම දන්නෙ නෑ." මම පිලිතුරු දුනිමි."සති හයකින් අඟහරු ලෝකෙ හැම තැනම නරඹන්න බෑනෙ."

                  " සිද්ද වුනු දේ බොහොම සරලයි.අපි අහිංසක ඩැනීට අනුකම්පා කරන්න ඕනැ.මොකද ඉඳල හිටල ස්වදේශිකයොත් මේ උගුලට අහුවෙනවා" .





      


                           " ඩැනි හොරකම සැලසුම් කලේ බටහිර මෙරිඩියන් වල ඉඳලා.ඩැනී ක‍ටු ගෙයි හොරකම කරද්දි එහි ඉරිදා තමයි.එයා හොරකම කරලා හෝටලේට යනකොටත් එහෙ ඉරිදා දිනේ ගෙවිලා ඉවර නෑ.
 නමුත්, හැතැම්ම බාගෙකට එහා තියෙන නැගෙනහිර මෙරිඩියන් වල එතකොට දිනේ සෙනසුරාදා".

              " ඩැනී පාක් එක හරහා හැතැම්ම බාගයක් ඇවිදලා ක‍ටු ගෙට යනකොට එයා එක අර්ධ ගෝලෙකින්  තව අර්ධ ගෝලෙකට මාරු වෙලා ඉවරයි.ඒක නම් බොහොම අවාසනවන්ත සිදුවීමක්".

                ඩැනී වෙනුවෙන් ඇතිවුන අනුකම්පාසහගත සිතිවිලිවල කිමිදෙමින් සිටි නිසාදෝ, බොහෝ වේලාවක් යනතුරු කිසිවකු කතා නොකලහ.

 "මොකද්ද එයාට ලැබුන දඬුවම"?
                මම මඳ වේලාවකින් විචාලෙමි.

         "අවුරුදු තුනක්. " රහස් පරික්ශක පැවසීය. 

 "ඒක නම් එච්චර බරපතල නෑනෙ."

  "අඟහරු ලෝකෙ අවුරුදුතුනක්කියන්නෙ පෘථිවියෙ නම් අවුරුදු හයක් විතර. 
   ඒවගේම අහඹුවක්වගේ  එයාගෙ රිටර්න් ටිකට් එකට  සමාන වුන  ලොකු දඩයක්ගෙවන්නත්වුණා. හැබැයි  එයා ඉන්නෙ හිරේ නෙමේ. මම ඔයාලට කිව්වනෙ මෙරිඩියන් වල ක‍ටුගෙට රාත්‍රි මුරකාරයෙක් නෑ කියල. දැන් එක්කෙනෙක් ඉන්නවා.හිතාගන්න පුලුවන් නෙ කවුද කියල.එයා අඟහරු ලෝකෙ ජීවත් වෙන්න නම් ‍රැකියාවක් කල යුතුයි. අධීක්ශණයක් යටතෙ ඩැනී තමන්ගෙ හිර දඬුවම   ගෙවනවා. 


                    "සියලුම මගීන් තමන්ගේ ගමන් මලු අරගෙන විනාඩි දහයකින් යානයට නැගීමට සූදානම් වන්න. "ශබ්ද විකාශන යන්ත්‍රය හඬ තැලීය.

               අප සැම ගමන් මලු අතැතිව air lock එක දෙසට ඇවිද යනවිට මට තවත් ප්‍රස්නයක් නො අසා බැරිවිය.

             "ඩැනීව හොරකමට යොදවපු මහ මොල කාරයව හමු වුනාද?"

 "තවම නෑ. එයාල සේරම සළකුණු මකලා.ඩැනී කිව්වා හොරකමට කොන්තාතෘව ලැබුනට එයා ගැන මුකුත් දන්නෙ නෑ කියා. මමත් විශ්වාස කරනවා ඩැනි කිව්වෙ ඇත්ත කියල."

 " මේ මගෙ කේස් එකක් නෙවෙයි. මම ආපහු පෘතුවියට යනවා. නමුත් පොලිස්කාරයෙක් නිතරම ඉන්නෙ තමන්ගෙ වටපිටාව ගැන විමසිල්ලෙන්, හරියට ඕනෑම මොහොතක ඩැහැ ගන්න පුලුවන් කලා කෘතියක් ගැන ගිජු ලිහිණියෙක් වගේ විමසිල්ලෙන් ඉන්න කළා කෘති එකතු කරන්නෙක් වගේ.එහෙම නේද මැකා මහත්මයා"?  

 " ආ, මොකද, ඔබ නිකම් අසනීපෙකින් වගේ? මං ගාව තියෙන space sickness පෙත්තක් දෙන්නද"?

"එපා. බොහොම ස්තූතියි. මම හොඳින්. " මැකා මහතා පිලිතුරු දුන්නේය. 
   ඔහුගේ ස්වරයේ ලා නොරිස්සුම් බවක් තැවරී තිබිනි.

               ගෙවී ගිය මිනිත්තු කිහිපය තුල එකිනෙකා හා දොඩමළු වූ මගීන් ගේ සුහදශීලීත්වය නැත්තටම නැතිව ගියා සේය. මම මැකා මහතා දෙසත් රහස් පරීක්ශක දෙසත් මාරුවෙන් මාරුවට බැලීමි.

 එක්වරම, මේ සියළු දෙනා එක්ව පෘථිවිය බලා යන චාරිකාව ඉතාමත් සිත් ගන්නා සුලු, කුතුහලයෙන් පිරුන එකක් වන බව වටහා ගතිමි. 


                       ( Phobos  යනු අඟහරු ලොවේ ඇති ප්‍රධාන හඳවල් දෙකෙන් එකකි. Phobes  යනු  කතාවේ ලෙස   ඒ චන්ද්‍රයා මතුපිට ඉදි වී  ඇති    අභ්‍යවකාශ  තො‍ටුපලකි.)



පසු වදන

ආතර්.සී. ක්ලාක් ගේ " Trouble with Time"  යන කෙටි කතාවේ පරිවර්තනයකි. 

 අනාගතයේ මිනිසා අඟහරු ලොව ජනාවාස සෑදිම අළලා මෙම කතාව ගෙතී ඇත.මෙම කෙටි කතාව ඔහු ලියා ඇත්තේ 1960 ය. පලමු සඳ තරණය 1969 දි වුනත් ඒ වනවිට මිනිසා අභ්‍යවකාශය ජය ගෙන තිබූ නිසා තවත් වසර පනහක කාලයක් ඇතුලත මිනිසුන් සෞරග්‍රහ මණ්ඩලයේ අනෙකුත් ග්‍රහලෝක තරණය කරාවි යන්න උපකල්පණය කරමින් කතාව ලියවී ඇත.  





                  සුපුරුදු ලෙස ඔබේ යෝජනා, අදහස්, වෙනස් විය යුතු තැන්  ගැන දැන ගන්න කැමතියි. Dude, come on. Do your best!


 

39 comments:

  1. බොහොම ස්තුතියි මෙවන් අගනා විද්‍යාත්මක කල්පිත කතාවක් අපට පරිවර්තනය කර කියවන්නට ලබා දීම ගැන

    ReplyDelete
    Replies
    1. pleasure is all mine. මට පාඨකයො ඉන්න නිසා තමයි මෙහෙම පරිවර්තන එලි දකින්නෙ. නැත්නම් මට වෙන්නෙ කතා පරිවර්තනය කර කර ලඟ තියාගෙන ඉන්න අර මගෙ "හරිත දෑත් " වගේ.මම ඒක පරිවර්තනය කරල අවුරුදු 18 ක් තියාගෙන හිටිය.

      Delete
  2. නියමයි...පහුගිය ටිකේදි මට බ්ලෝග මග ඇරුනා දිගටම එන්නම්

    ReplyDelete
    Replies
    1. එන්න. එන්න. ගොඩක් කියවන්න තියෙනව.

      Delete
  3. පරිවර්තන ශෛලිය හරි අගෙයි... හොදට හිතට දැනෙනව.ජය වේවා!!!

    ReplyDelete
    Replies
    1. මට සතු‍ටුයි මගෙ උත්සාහය සාර්තක වීම ගැන. ඔබට ස්තූතියි.

      Delete
  4. මෙවන් විද්‍යාත්මක ප්‍රබන්ධ තමයි ළෝකේ දියුණුවට හේතුවෙලා තියෙන්නේ. ඒත් මගේ ප්‍රියතම විශයයක් නොවෙයි.

    ReplyDelete
  5. ඔව්. සන්නිවේදන තාක්ශණය ගැන මුලින්ම ආතර්.සී.ක්ලාක් 1945 දි විතර අදහසක් ඉදිරිපත් කලා.දැ බලන්න ඒ සංකල්පය ගිහින් තියෙන දුර ජංගම දුරකතන දක්වා, ඉනුත් නොනැවතී තවත් ඉදිරියට! විද්යා ප්‍රබන්ධවලට ගොඩක් අය ප්‍රිය නෑ.මමත් ආස වුනේ ක්ලාක් ගෙ කෙටි කතා නිසා.ඊලඟ පරිවර්තනය බොහෝ දුරට විද්යාවට සම්බන්ද නෑ.

    ReplyDelete
  6. //කුඩා චන්ද්‍රයාගේ හිරු ‍රැසින්// සඳ රැසින් නෙවෙයි ද..

    අඟහරු ජීවය සම්බන්ධ ප්‍රබන්ධ කතා කීපයක් කියවල තියනව ඉස්කෝලෙ යද්දි. කොහොමත් ඔබ අර කලින් දාපු කතාව, මේ කතාව වගෙ වෙනත් ලෝක සම්බන්ධ කතා වලට මං කැමතියි.

    බ්ලොග් එකේ පෙනුම එහෙම වෙනස් වෙලා තියන්නෙ.. දැන් කලින් තිබුනට වඩා හොඳයි..

    ReplyDelete
    Replies
    1. සොරි. මට කමෙන්ට් එක මිස් වෙලා. ඒක ගැන මම ඩූඩ් ටත් පැහැදිල් කිරීමක් කලා. චන්ද්‍රයාට හිරු එලිය වැටිල කියල තමා මම අදහස් කලේ.
      තව තියෙනවා වෙනත් ග්‍රහලෝක ගැන කතා. හිමීට දාන්නම්කො.

      Delete
  7. මුලින්ම ස්තූති කරන්න ඕනා පසුබිම් වර්ණය වෙනස් කරපු එකට.. දැන්නම් නියමයි. වෙන කාටවත් මේ පාට අපහසු නොවේවා කියලා මම පතනවා !!

    පරිවර්තනය වෙනදා වගේම උපරිමයි. මම මේ කතාව කියවලා තිබුනෙ නෑ මීට කලින් කවදාවත්. ඩැනී මහ අසාර්ථක හොරෙක්. විය හැකි හැමදෙයක්ම අනුමාන කරන්න තිබුනා ඔහුට.

    >> අඟහරු ලෝකෙ වැඩිය අපරාධ නෑ. " රහස් පරීක්ශක රෝලිංස් කීවේ තරමක දුකිනි." <<

    උදේට බුදුන්ට පහන තියන මිනීපෙට්ටි සාප්පුවෙ හිමිකාරයා මොනවා හිතනවා/පතනවා ඇත්ද නේද ? තව එකක්, ඔතන උද්ධෘත සළකුණු වැටිලා තියෙන්නෙ වැරදි තැනට.

    කාලයේ කියද්දි මම හිතන්නෙ දන්තද ලයන්න වෙන්න ඕනා.

    ආ කියන්න අමතක වුනා. මමත් ලිව්වනෙ ප්‍රථම සහ එකම රහස් පරීක්ෂක කතාවක්. කැමති අය කියෙව්වට මම අමනාප වෙන්නෑ ඕන්.. :D

    ReplyDelete
    Replies
    1. background එක අවුල් නැත්නම් එච්චරයි. පෙන්වපු අඩුපාඩුව හැදුව. ලින්ක් එක හිමීට බලන්න සේව් කර ගත්තා. ඔබේ පැමිනිම අගය කරනව සෙන්නා.ඔබට ඕනෙ නම් short story වල ඊබුක්ස් ටිකක් එවන්නම්.

      Delete
    2. හොඳ ඒවා එකක් දෙකක් එවන්නකො මේකට.. මටත් ඕක හොදි නැතුව බත් කනවා වගේ වැඩක් තමා.. :D

      E-mail : ssdsenna@gmail.com

      Delete
    3. ඇයි සෙන්නට.. මට..

      Delete
  8. කමෙන්ට් වල අකුරැ ටිකක් ලොකු කරන්න පුලුවන්ද

    ReplyDelete
  9. මම වෙනසක් කෙරුව. හරි යයිද දන්නෙ නෑ.

    ReplyDelete
  10. හරි ගිහින් නෑ වගේ. මම දන්නෙ නෑනෙ කමෙන්ට් බොක්ස් එකේ ෆොන්ට් ලොකු කරන්න.

    ReplyDelete
  11. කමෙන්ට් වල අකුරු ලොකු කරන්න නම් මේ ටෙම්ප්ලේට් එක වෙනස් කරන්න වෙයි මං හිතන්නේ... කොහොමත් නිකම් ඉන්න ගමන් ඔය ටෙම්ප්ලේට් ටිකයි ගැජට් බැජට් ටිකයි පොඩ්ඩක් කරකෝලා බලන්න ‌ගොඩ දාන්න පුළුවන් වෙයි.. ( හි හි... මං නං එහෙම තමයි .. මොකෝ මේවා ගැන මොනවා දන්නවා කියලද... කරකෝලා කරකෝලා බැරිම උනොත් අතෑරලා දානවා...)

    මේකත් මරු කතාව.. මට හිතුනා ෂුවර් එකට ඩැනීට වෙන්නෙ ඕක තමයි කියල.. හි හි...

    එක අවුලක් තියෙනවා... අඟහරුවලට දවසක් පැය 24ක් වෙන්න බෑ... එතනට පැහැදිලි කිරීමක් එන්න ඕනේ.. අඩුගානේ “අඟහරු පැය“ කියලා විශේෂණ පදයක් වත් ආවා නං අවුල නැති වෙනවා...

    ReplyDelete
    Replies
    1. එහෙම තමයි කරන්න හිතුවෙ. ඒත් සමහර වෙලාවට නොහිතූ වෙනස්කම් වෙනවා කොහොමත් යතා තත්වයට ගන්න බැරි.හිමීට වෙනස්කරල බලන්න ඕනෙ.

      ඔබේ නිරීක්ශන ශක්තිය හොඳයි. ඔබත් විද්‍යාත්මක කරුනු ගැන උනන්දු කෙනෙක් වගේ. මට වැරදුනා. අඟහරු ලෝකෙ පැය 24 ක් තියෙන්න බෑනෙ.මම 'දවසක්' කියල වෙනස් කලා.

      ස්තූතියි පෙන්නල දුන්නට.

      Delete
  12. 'කුඩා චන්ද්‍රයාගේ හිරු ‍රැසින්' කියන කොටස 'කුඩා චන්ද්‍රයාගේ ආලෝකයෙන්' වුනානම් හොඳයි කියලා මම හිතනවා.

    නිල් මානෙල්, ඔය වගේම සංසිද්ධියක් නේද Around the World in 80 Days වලදි වෙන්නෙත්? ඇයි, තව පැසි‍ෆික් සාගරේ ජාත්‍යන්තර දින රේඛාව මත තියෙන කිරිබතී වගේ දූපත් වලටත් ඔය අවුල තියෙනවා කියලා මම අහලා තියෙනවා.

    කතාව මම සෑහෙන්න රසවින්දා. මට හිතුනේ මම හොරෙක් කියලා.:D

    ReplyDelete
    Replies
    1. එතන මම අදහස් කලේ චන්ද්‍රයා ගේ කඳුවලට හිරු එලිය වැටිල කියල. ඒක ගැන තව කෙනෙක් කමෙන්ට් කරල තිබුන නිසා මම එතෙන්ට කොමාවක් දැම්මා.

      Jules Verne ගෙ around the world in eighty days කියන පොතත් හරි ශෝක් නේද?අවසාන මොහොතේ ඔට්‍ටුවෙන් පරාදයි කියල අන්තිම මිනිත්තුවෙ කෙනෙක් මතක් කරල දෙනව ඒ වැඩිපුර දිනේ ගැන. කවුද කියල මට මතක නෑ.

      ඔයා සහයට ඩැනී ද?

      Delete
  13. ආතර් C ක්ලාක් මහත්තයාගේ ප්‍රබන්ද වල Pdf, අක්ක ළඟ නැත්ද ? පරිවර්තනයි ඕනේ. English එව්වනම් එපා.

    English නවල් කියවන එක හොදි නැතුව බත් කනවා වගේ වැඩක්. :p ;)

    ReplyDelete
    Replies
    1. මං ගාව තියෙන සේරම පොත් english e-books. මම ඒව සේරම ඉන්ටෙර්නෙට් එකෙන් ගත්තෙ. ඉන්ග්‍රීසි නවල්ස් කියවන්න ආස නැත්නම් මුලින් පොඩි කෙටි කතා කියවන්න. ඊ බුක්ස් ටිකක් මම එවන්නම්. මටත් ඕනෙ මම කියවල විනෝද වෙන කතා තව කෙනෙක් එක්ක බෙදා ගන්න. හැබැටි කෙටි කතා සේරම science fictions.

      Delete
    2. අක්ක නෙවෙයි මැට්ටෝ.. මේ ගුරුවරියක්.. අපේ වයසෙ පුතෙකුත් ඉන්නවද කොහෙද

      Delete
  14. ආතර් C ක්ලාක්ගෙ 2010, 2061,3001 සෙට් එකම කියෙව්ව.. තව ගොඩක් ඒවත් ඉස්කෝලෙ 8,9 දි කියෙව්ව.. මේක නම් අහු උනේ නෑ.. තව මේ වගේ ඒව දාන්න කොච්චර කියෙව්වත් එපා වෙන්නෙ නෑ

    ReplyDelete
  15. මොබයිල් ටෙම්ප්ලේට් එක simple එකක් දාන්න.. මං බ්ලොග් කියවන්නෙ මොබයිල් ටෙම්ප්ලේට් එකෙන්.. ඒත් මේකෙ මොබයිල් ටෙම්ප්ලේට් එකෙන් කොමෙන්ට් කරන්න බෑ

    ReplyDelete
    Replies
    1. කොහොම ඇමතුවත් ප්‍රස්නයක් නෑ. වැදගත් වෙන්නෙ අපේ හිතවත් කම.

      විද්‍යා ප්‍රබන්ධවලට ආස කෙනෙක් වගේ.මටත් ඕනෙ පුලුවන් තරම් විද්‍යා ප්‍රබන්ධ සිංහලට හරවන්න. ඒත් හරිම කට්ටක් තමයි.මම drafts 3ක් ලියනවා.මුලින්ම අදහස අරන් ලියනවා. දෙවෙනි එක උක්ත ආක්යාත ගලපල ආපහු ඔරිජිනල් එක එක්ක රිෆ කරල ලියනව. 3වෙනි එක ආයෙ වෙනස්කම් කරල පිලිවෙලට ලියනව තියාගන්නත් එක්ක. ඉතින් කොහොම කෙරුවත් මාසයක් විතර යනව. ( දවසට පැය එකහමාරක් දෙකක් වගේ තමා පරිවර්තනය කරන්න වෙන් කරන්නෙ. තව වෙබ් සයිට්ස් තියෙනව මම යන. )

      හැබැයි ඊලඟ කතාව නම් විද්‍යා පරිවර්තනයක් නෙමේ!

      mobile template එක වෙනස් කලා simple වලට. දැන් හරිද කියා බලන්න.

      Delete
  16. පරිවර්තන ශෛලිය නම් අපූරුයි...

    කමෙන්ට් ෆොන්ට් එක ලොකු කරගන්න නම් ටෙම්ප්ලෙට් එකේ xml එක කෙලින්ම එඩිට් කලොත් පුලුවන් වෙයි මට හිතෙන්නේ..

    ReplyDelete
    Replies
    1. කතාව කියන කෙනා අපි ඉස්සරහ ඉන්නව වගේ හිතල මම ට්‍රාන්ස්ලේට් කරේ. එතකොට භාෂාව අපිට සමීපයි නෙ. html කියන එක නම් තේරෙනව. ඒත් xml ?ඒව කරන්න තරම් ප්‍රොග්‍රැමින් ගැන මම දන්නෙ නෑ. ස්තූතිය් හැමදාම ගොඩ වදිනවට. ඒත් සමහරවිට ඔයාලගෙ බ්ලොග්ස් මට මිස් වෙනව. තරහ ව්න්න එපා. ඉඩ ලද හැමවිටක එන්න උත්සාහ කරනවා.

      Delete
  17. අපුරුයි නිල් මානෙල්,

    මමත් දවසක් ගියා මෙරිඩියන් කෞතුකාගාරයෙ තියෙන සිරියන් දෙවඟන බලන්න. එක ඔය කියන තරම් කත නැහැ. හරිම ලස්සන කළා කෘතියක්. එහෙ සහතික කරපු අනුරුවකුත අරගෙන අවා. තූ විතරක් වැඩේ බාරදුන්න එකා වැඩේ කෑවානෙ, නැත්නම් ඉතින් ඔරිජිනල් එක මේ වෙනකට මගේ ළඟ.

    ReplyDelete
  18. ඒ කියන්නෙ ඔයා Ayilas A alias Mr. Maccar.

    පොටෝ ගන්නව කිය කිය ඔය ක‍ටු ගෙවල් අස්සෙ හෙම කැරකෙන හේතුව දැන්නෙ දන්නෙ.

    ReplyDelete
    Replies
    1. හුටා... කට නිසාලු මාළුවා නහින්නේ... කඩු ටික උස්සපු එකත් මාට්ටු වෙයිද දන්නේ නැහැ ..

      Delete
  19. කඩු උස්සපු පොඩ්ඩන්ව නම් අහුවුනා. මහ මොල කාරය තාම නිදැල්ලෙ දැන් බලන කොට.

    ReplyDelete
  20. ස්තුතියි ..තවත් මෙවැනි පරිවර්තන ලියන්න /...ආසාවෙන් කියෙව්වා

    ReplyDelete
    Replies
    1. ඔබේ පැමිනීම මට දිරියක්.පාඨකයො සිටින තාක් කල් කතා ලියවේවි.

      Delete
  21. බොහාම අපුරුයි. හැබැයි මේක අවසන් විද්‍යා ප්‍රබන්ධය නොවේවි නේද??? නිකං ලයිව් කතාවක් අහන ගානට හිතුනා.. ජය වේවා

    ReplyDelete
  22. ස්තූතියි.අපෝ නෑ.අවසන් කලොත් ලකුනු දා ගන්නෙ කොහොමද? හැබැයි විද්යා ප්‍රබන්ධ පරිවර්තනය කරන්න මට ගොඩක් කල් යන නිසා ඊලඟට වෙන කතාවක් එන්නෙ.ඒකට කොහොම ප්‍රතිචාර ඒය්ද කියල බලන් ඉන්නවා.

    ReplyDelete
  23. ආතර් සී ක්ලාක් වැනි විද්වතෙකුගේ කෙටිකතාවක් පරිවර්තනය කිරීම පිළිබඳව මාගේ ස්තූතිය

    ReplyDelete
    Replies
    1. සේරම කියෝගෙන එනවා නේද? ස්තූතියි.

      Delete